Светото Писмо почнува со Саботата и завршува со Саботата (Битие 2:2-3, Откровение 22:14). „Блажени се оние кои ги исполнуваат Неговите заповеди, за да имаат право на Дрвото на животот и да влезат низ вратите во градот.“ Тука се оние кои ја имаат верата Исусова, и ги чуваат Божјите Заповеди (Откровение 14:12), и му даваат отчет на Оној Кој го создал небото и земјата (Откровение 14:7), а во седмиот ден одморил, и го осветил тој ден за нас (Битие 2:3), за ние да одмараме во Него (Матеј 11:28), а во Десетте Заповеди нѐ потсетил да го чуваме тој ден (Излез 20:8-11), зошто сме го заборавиле (Исаија 58:13-14).
А како ќе бидеме спремни за крајот ако не се потсетиме на почетокот? (Матеј 24:37-39) Во почетокот, Господ го создаде небото и земјата (Битие 1:1), во шест дена ги создаде (Битие 1:31; Излез 20:11), и виде Господ дека сѐ што создаде беше многу добро (Битие 1:31). И во седмиот ден Господ си одмори од сите Негови созданија (Битие 2:2), бидејќи сѐ беше многу добро (Битие 1:31), и Господ го освети и го благослови седмиот ден (Битие 2:3). Така ги создаде Господ небото и земјата и сѐ што е во нив (Излез 20:11).
Ова се цитираните стихови како читаат дирекно од Библијата:
Првиот параграф
“Светото Писмо почнува со Саботата и завршува со Саботата.”
- Битие 2:2-3 – „И на седмиот ден Бог го заврши Своето дело…“
- Откровение 22:14 – „Блажени се оние што ги исполнуваат Неговите заповеди…“
“Тука се оние кои ја имаат верата Исусова, и ги чуваат Божјите Заповеди, и му даваат отчет на Оној Кој го создал небото и земјата…”
- Откровение 14:12 – „Тука е трпеливоста на светиите, кои ги пазат Божјите заповеди и верата во Исуса.“
- Откровение 14:7 – „Плашете се од Бога и дајте му слава, зашто дојде часот на Неговиот суд; и поклонете му се на Оној Кој го создаде небото, земјата, морето и водните извори.“
“А во седмиот ден одморил, и го осветил тој ден за нас, за ние да одмараме во Него…”
- Битие 2:2-3 – „И на седмиот ден Бог го заврши Своето дело што го беше направил…“
- Излез 20:8-11 – „Сети се на саботниот ден, за да го осветиш…“
- Матеј 11:28-29 – „Дојдете кај Мене сите што сте изморени и обременети, и Јас ќе ве успокојам.“
“А во Десетте Заповеди не потсетил да го чуваме тој ден, зошто сме го заборавиле.”
- Излез 20:8 – „Сети се на саботниот ден, за да го осветиш.“
- Немија 13:15,17 – „Во тие дни видов во Јудеја луѓе што газеа во саботата… и ги изобличив… и им реков: ‘Зошто правите такво зло и го осквернувате саботниот ден?’“ ➝ Дури и по Вавилонското ропство, народот повторно ја прекршуваше Саботата.
- Езекиел 20:12-13 – „Им ги дадов и Моите саботи за знак меѓу Мене и нив… но домот Израелов се побуни против Мене… саботите Мои ги осквернуваа.“ ➝ Бог сведочи дека народот ја заборавил и осквернил Саботата.
- Осија 2:11 – „Ќе ги запрам сите нејзини веселби, нејзините празници, нејзините младини и нејзините саботи.“ ➝ Бог ги запира Саботите бидејќи биле идолопоклоници, а не обратно (благословот на израелците им бил во саботата, а не без саботата како што тврдат таканаречените „христијани од „Новиот Завет““ – Новиот Завет е враќање кон Стариот Завет, кој е заборавен – Исус дошол да нè потсети од каде сме дошле, за да ни покаже на каде треба да одиме… Зошто „во почетокот… сѐ беше многу добро…“).
Исаија 56:2,6 2 ⤵– „Блажен е човекот (зборот човек е поширок поим од евреин) што го пази заветот и ја пази саботата и не ја осквернува… И нека не вели туѓинецот, кој му се придружил на Господа: ‘Господ сосема ќе ме оддели од Својот народ‘… „Зашто, вака вели Господ за евнусите и туѓинцитe 1 ⤵ (Евреи кои не можат да имаат потомство и тие кои не се Евреи и не се од Израил): ‘Оние што ќе ги пазат Моите саботи, што ќе го изберат она што Ми е угодно и ќе се држат за Мојот завет,‘“ И синовите на туѓата земја, кои Му се придружија на Господ и Го сакаат… што ја пазат саботата за да не ја осквернат 3 ⤵, и се држат за Мојот завет; нив ќе ги доведам во Мојата света Гора и ќе ги зарадувам во Мојата молитвена куќа. Нивните сепаленици и нивните жртви ќе бидат прифатени на Мојот жртвеник, зашто Мојата куќа ќе се нарече куќа на молитва за сите народи. (Кои се тие сите народи? Не само Изаелците, туку секои кои ја чуваат Господовата Сабота од љубов кон Гспод, и го чуваат заветот Негов и Неговите заповеди – и ја имаат верата Исусова: трпението на светиите.)“ ➝ Ова покажува дека дури и оние што не биле Евреји требале да ја пазат Саботата, што значи дека таа не била ограничена само на Евреите… и спасени ќе бидат оние кои ја нарекуваат Саботата Божја милина Божја 3 ⤵!
А кои се туѓинците и евнуците 1 ⤴ за кои Бог зборува преку “Исаија во 56:3-7 2 ⤵?
| Туѓинци | Евнуси |
| Овие се луѓе, исто припадници на безбожничките и паганските народи, на кои интимните делови им биле кастрирани за да вршат некоја службена должност во паганските храмови или во нивните царски хареми – се мислело дека таквите луѓе се доверливи бидејќи се неутрални во интимниот избор | |
| Немале природна припадност на Божјиот народ (Израел). Биле припадници на околните царства и народи кои не го следеле Јехова, Богот на Израилот, од каде Исус Христос излегол, и дојде во светот за спасение. Тие биле наречени безбожници, зошто не Го познавале Вистинскиот Бог, Кој Го создаде небото и земјата во 6 дена, а седмиот ден, Сабота, го освети и благослови, бидејќи во него Бог одмори од сите Свои дела, кои беа многу добри. Овие туѓинци се наречени домашни, и израелци, од Самиот Господ, бидејќи ја чуваат Саботата Негова, и го вршат она што Му е благопријатно на Бог, Отецот, Кого Господ Исус Христос, како единороден Син по Таткова волја, Го отсликува. | Немале физичка способност да остават поколение. Тоа значи дека името нивно вечно ќе биде избришано, зошто нема кој да го наследи. Имало и евреи кои биле евнуси, и со тоа немале наследство во Јудеа и Израилот. Во старозаветното општество, да си лишан од потомство било сметано за голема загуба. Но Господ им ветува подобро наследство од оние кои можеле да имаат потомство на земјата, но не Го послушувале Зборот Божји и Заповедите Негови не ги запазувале. Бог ги прима не по крв и име, туку по послушност и дела. Не по традиција верници, туку верници по преобразба на срце со Свет Дух, кои го напуштиле старото, измрсено од гревот, и се прилепиле на новото вино, неферментирано од грев, за да му принесуваат благ вкус на Господ, преку вера и благодарност (преку послушност и слава). |
| Веројатно мислеле дека Бог нема да ги прифати затоа што не се Евреи. Но со овој пророчки текст (Исаија 56 3-7 2 ⤴). Бог им ветува царство подобро од она на земните евреи. Им го ветува царството на небесниот Ерусалим! | Веројатно мислеле дека се „суво дрво“ – без вредност – бидејќи се отсечени од оставање на потомство во светот и општеството во кое живеат – и немаат дом, како оние кои имаат синови и ќерки. |
| Бог вели: ако се држат до Неговиот завет и го пазат саботниот ден да не го осквернат, тие се Негов народ. | Бог вели: ако го држат саботниот ден и прават што е добро, ќе им даде име „подобро од синови и ќерки“ (подобро име од израелците и евреите) Па нели сме тоа ние христијаните кои биле кастрирани од еврејската религија, и биле пагански и безбожнички народи, и од секаде се приклониле кон Богот на Израел, а не припаѓале првично на еврејскиот народ, којшто го отфрлил Христос и Неговата Сабота? Тие ја чуваат саботата без љубов, а ние, христијаните, од љубов ја чуваме Божјата сабота. А дене има таканаречени христијани, кои поради недостиг на љубов во Христос, ја отфрлаат Неговата Сабота: тие се денешните евреи кои го распнуваат Господ сеуште. Бог нека им прости на оние кои не знаат што прават, а ќе ги осуди оние кои знаат што прават, и сеуште го прават. (Исус рече, „Да не гледавте, грев немаше да имате; ама бидејќи велите дека гледате, гревот ви останува“. Исто апостолот пишува, „Оној што знае да прави добро, а не го прави, нему тоа му е за грев“. А оној што не знае дека Саботата му е милина на Господ, ќе дознае, и ќе се преобрати, доколку Го сака Господ. А доколку не се преобрати, не Го сака Господ со чиво име, лицемерно, се нарекол: нему, тоа му е за грев за смрт. |
Саботата е клучна: во двата случаи, Бог го истакнува држењето на саботата како знак на верност.
- Исаија 58:13-14 – „Ако ја воздржиш ногата своја во сабота, за да не ги вршиш своите работи во Мојот свет ден, и ако саботата ја наречеш наслада 3 ⤴, свет ден Господов… тогаш ќе се веселиш во Господ.“ ➝ Бог бара народот да ја почитува Саботата, што значи дека некои ја заборавиле или ја прекршувале.
Вториот Параграф
“А како ќе бидеме спремни за крајот ако не се потсетиме на почетокот?”
- Матеј 24:37-39 – „А како што беше во деновите на Ное, така ќе биде и при доаѓањето на Синот Човечки…“
“Во почетокот, Господ го создаде небото и земјата.”
- Битие 1:1 – „Во почетокот Бог ги создаде небото и земјата.“
“Во шест дена ги создаде, и виде Господ дека сѐ што создаде беше многу добро.”
- Битие 1:31 – „И Бог виде сè што беше направил, и ете, беше многу добро.“
“И во седмиот ден Господ си одмори од сите Негови созданија…”
- Битие 2:2 – „И на седмиот ден Бог го заврши Своето дело што го беше направил, и во седмиот ден отпочина од сето Свое дело.“
“Бидејќи сѐ беше многу добро, и Господ го освети и го благослови седмиот ден.”
- Битие 2:3 – „И Бог го благослови седмиот ден и го освети, зашто во него отпочина од сето Свое дело што Бог го создаде и направи.“
“Така ги создаде Господ небото и земјата и сѐ што е во нив.”
- Излез 20:11 – „Зашто, во шест дена Господ ги создаде небото и земјата, морето и сè што е во нив, а на седмиот ден се одмори.“